ಮಕ್ಕಳ ಜೊತೆ ಆಟವಾಡಿದ ನೆನಪಿನ ಕ್ಷಣಗಳು 😍

GHPS Mangalagatti

                               ನಮ್ಮ ಶಾಲೆಯಲ್ಲಿ ಮಕ್ಕಳ ಶಾರೀರಿಕ ಮತ್ತು ಮಾನಸಿಕ ಬೆಳವಣಿಗೆಯನ್ನು ಗಮನದಲ್ಲಿಟ್ಟುಕೊಂಡು ವಿವಿಧ ಆಟಗಳನ್ನು ಆಯೋಜಿಸಲಾಗುತ್ತದೆ. ಅದರಲ್ಲಿ ಒಂದಾಗಿ ಇಂದು ಸ್ಕಿಪ್ಪಿಂಗ್ (Skipping Rope) ಆಟವನ್ನು ಮಕ್ಕಳಿಗೆ ಆಡಿಸಲಾಯಿತು.ಈ ಆಟದಲ್ಲಿ 5ನೇ ತರಗತಿ ಮತ್ತು 3 ನೇ ತರಗತಿ ಮಕ್ಕಳು ಉತ್ಸಾಹದಿಂದ ಭಾಗವಹಿಸಿದರು. ಮಕ್ಕಳಿಗೆ ಪ್ರೋತ್ಸಾಹ ನೀಡಲು ನಾನು ಸ್ವತಃ ಈ ಆಟದಲ್ಲಿ ಭಾಗವಹಿಸಿದೆ. ನನ್ನ ಜೊತೆಗೆ ಇನ್ನೂ ಮೂರು ಮಂದಿ ಶಿಕ್ಷಕರು ಸಹ ಸ್ಕಿಪ್ಪಿಂಗ್ ಆಟಕ್ಕೆ ಸೇರಿದರು. ಇದು ಮಕ್ಕಳಲ್ಲಿ ಇನ್ನಷ್ಟು ಉತ್ಸಾಹ ಮತ್ತು ಧೈರ್ಯವನ್ನು ಹೆಚ್ಚಿಸಿತು.ನಾನು ನಿರಂತರವಾಗಿ 150 ಬಾರಿ ಸ್ಕಿಪ್ಪಿಂಗ್ ಮಾಡುವ ಮೂಲಕ ಮಕ್ಕಳಿಗೆ ಮಾದರಿಯಾಗಿದ್ದೆ. ಇದನ್ನು ನೋಡಿ ಮಕ್ಕಳು ಕೂಡ ತುಂಬಾ ಉತ್ಸಾಹದಿಂದ, ಸಂತೋಷದಿಂದ ಮತ್ತು ಶಿಸ್ತಿನಿಂದ ಸ್ಕಿಪ್ಪಿಂಗ್ ಆಡಿದರು. ಪ್ರತಿಯೊಬ್ಬ ಮಗು ತನ್ನ ಸಾಮರ್ಥ್ಯಕ್ಕೆ ತಕ್ಕಂತೆ ಉತ್ತಮ ಪ್ರಯತ್ನ ಮಾಡಿತು.ಸ್ಕಿಪ್ಪಿಂಗ್ ಆಟವನ್ನು ಮುಗಿಸಿದ ನಂತರ, ಶಿಕ್ಷಕರಲ್ಲಿ ನಾನು ಹೆಚ್ಚು ಬಾರಿ ಸ್ಕಿಪ್ಪಿಂಗ್ ಮಾಡಿದ ಅನುಭವ ನನಗೆ ವಿಶೇಷ ಸಂತೋಷ ನೀಡಿತು. ಈ ಅನುಭವದಿಂದ ಮಕ್ಕಳ ಜೊತೆಗೆ ನಾವು ಶಿಕ್ಷಕರೂ ಸಹ ಆಟಗಳಲ್ಲಿ ಭಾಗವಹಿಸಿದರೆ, ಮಕ್ಕಳಿಗೆ ಕಲಿಕೆ ಇನ್ನಷ್ಟು ಆನಂದಕರವಾಗುತ್ತದೆ ಎಂಬುದು ತಿಳಿಯಿತು. 

Thank you..