ಸ್ವಾತಂತ್ರ್ಯ ದಿನದ ಸಂಭ್ರಮ – ಮಕ್ಕಳ ಮನದಾಳದ ತಯಾರ

ಪ್ರತಿ ವರ್ಷದಂತೆ ಈ ವರ್ಷವೂ ನಮ್ಮ ಶಾಲೆಯಲ್ಲಿ ಸ್ವಾತಂತ್ರ್ಯ ದಿನಾಚರಣೆ ಅದ್ಧೂರಿಯಾಗಿ ನಡೆಯಿತು. ಆದರೆ ಈ ಬಾರಿ ವಿಶೇಷವೆಂದರೆ, ಮಕ್ಕಳಲ್ಲಿ ಕಂಡುಬಂದ ಆತುರ, ಹರ್ಷ ಮತ್ತು ಜವಾಬ್ದಾರಿಯ ಮನೋಭಾವ. ತಮ್ಮ ಕೈಚಳಕ, ಕಲೆ, ಶ್ರಮ ಹಾಗೂ ಪ್ರೀತಿಯಿಂದ ಮಕ್ಕಳು ಈ ದಿನವನ್ನು ವಿಶೇಷಗೊಳಿಸಲು ಸಂಪೂರ್ಣ ತಯಾರಿ ಮಾಡಿಕೊಂಡಿದ್ದರು.ಧ್ವಜಾರೋಹಣಕ್ಕಾಗಿ ಅವರು ನೃತ್ಯ, ಗೀತೆ, ಭಾಷಣ, ವಾದ್ಯಸಂಗೀತ ಇವುಗಳ ಅಭ್ಯಾಸದಲ್ಲಿ ತೊಡಗಿಕೊಂಡರು. ಕೆಲವರು ಸುಂದರವಾದ ರಂಗೋಲಿ ಹಾಕಿದರು, ಇನ್ನೂ ಕೆಲವರು ಚಿತ್ರಕಲೆ ಮೂಲಕ ದೇಶಭಕ್ತಿಯನ್ನು ವ್ಯಕ್ತಪಡಿಸಿದರು. ಹೀಗೆ ಪ್ರತಿಯೊಬ್ಬ ವಿದ್ಯಾರ್ಥಿಯೂ ತನ್ನದೇ ಆದ ಕೊಡುಗೆಯನ್ನು ನೀಡಲು ಮುಂದಾದರು.ಅಭ್ಯಾಸದ ಸಂದರ್ಭದಲ್ಲಿ ಕಂಡುಬಂದ ಅವರ ಉತ್ಸಾಹ ಮತ್ತು ತಂಡಭಾವನೆ ಮನಮೋಹಕವಾಗಿತ್ತು. “ಇದು ಕೇವಲ ಕಾರ್ಯಕ್ರಮವಲ್ಲ, ನಮ್ಮ ದೇಶಕ್ಕಾಗಿ ಗೌರವ ಸಲ್ಲಿಸುವ ಅವಕಾಶ” ಎಂಬ ಅರಿವಿನಿಂದ ಅವರು ಪ್ರತಿ ಕ್ಷಣವನ್ನೂ ಗಂಭೀರವಾಗಿ ತೆಗೆದುಕೊಂಡರು.ಆ ದಿನದ ಬೆಳಿಗ್ಗೆ, ಧ್ವಜವು ಗಾಳಿಯಲ್ಲಿ ಲೇಲಾಯಿಸುತ್ತಿದ್ದಾಗ ಮಕ್ಕಳ ಕಣ್ಣಲ್ಲಿ ಹೊಳೆಯುತ್ತಿದ್ದ ಹೆಮ್ಮೆ, ಮುಖದಲ್ಲಿ ಅರಳಿದ್ದ ಸಂತೋಷ, ಹೃದಯದಲ್ಲಿ ಜಾಗೃತವಾಗಿದ್ದ ರಾಷ್ಟ್ರಭಕ್ತಿ – ಇವೆಲ್ಲವೂ ನಿಜವಾದ ಸ್ವಾತಂತ್ರ್ಯದ ಅರ್ಥವನ್ನು ತೋರಿಸಿತು.ಈ ಆಚರಣೆ ಕೇವಲ ಒಂದು ಶಾಲಾ ಕಾರ್ಯಕ್ರಮವಲ್ಲ, ಬದಲಿಗೆ ಮಕ್ಕಳ ಮನಸ್ಸಿನಲ್ಲಿ ದೇಶಭಕ್ತಿಯ ಬಿತ್ತನೆ ಮಾಡುವ ಅಮೂಲ್ಯ ಕ್ಷಣವಾಗಿತ್ತು.